SABATO TAKATIFU – JUMAMOSI 19/12/2020 - HUDUMA KUU

 

SOMO: USIKU UNAPOINGIA

MHUBIRI: Mwl. MKAMA  DICKSON

FUNGU KUU: Kutoka 29:45-46

Mhubiri alianza na kisa alichopitia maishani mwake. Mnamo mwaka 2019 akiwa jijini Dodoma akifanya biashara zake miaka miwili baada ya kuoa, kwa bahati mbaya yeye na wenzeke kumi walikamatwa na maofisa wa jeshi la polisi na kuwekwa rumande. Waliamriwa kutoa kiasi cha Tsh. milioni moja kila mmoja ili kuachiwa huru ama kutumikia kifungo kisichopungua  miezi mitatu gerezani. Wakiwa rumande, wenzake walifanya juhudi za kulipa faini hiyo ili waachiwe ila yeye hakufanya jitihada hizo. Askari wale walimuuliza kwanini hafanyi harakati za kutoa kiasi hicho, akajibu hana pesa hiyo, wakamwambia atabaki humo. Alijikabidhi mikonono mwa Bwana Yesu kupitia maombi.

Ghafla! mke wake alianguka kwa mshituko wa moyo na kupoteza fahamu kisha kupelekwa hospitali, ndipo  aliwaendea askari wale kuwaeleza namna ya kumsaidi ili ili aende kumuuguza mkewe kwani hakuna ndugu wa karibu wa kumhudumia. Askari wale walimuuliza kiasi cha pesa alichonacho ili wamuachie huru, akajibu kuwa ana kiasi cha Tsh elfu 30 tu lakini kwa mashaka kwani nayo hakuwa nazo mfukoni(cash). Askari wale walikataa kumkubalia  lakini wakaenda kujadili pembeni kisha wakamwita na kuweka mzigo wake kama dhamana kisha wakamuachia.

Yohana 9:4

 Yesu Kristo Anatukumbusha kuwa  kuna wakati wa kufanya kazi na upo wakati tutapumzika kwani hatutaweza kufanya kazi hiyo. Yesu aliwaambia wanafunzi  wake juu ya kufanya kazi kwa bidii kwani kuna wakati watakuwa wagonjwa ,katika umaskini,shida za kifamilia,mfadhaiko au kufikia umri wa uzee ambapo watashindwa kufanya kazi ipasavyo.

Katika kitabu cha Mhubiri, Suleiman anasema ukiwa kijana unaweza kwenda popote pale na kwa mwendo wowote, lakini ukiwa mzee hutaweza utapelekwa hata usikokutaka tena kwa mwendo usioutaka.Hivyo basi wakati tungali na nguvu yafaa tumtegemee Mungu katika maisha yetu hasa wakati ambapo giza linapoingia katika maisha yetu.

Tajiri mmoja katika mji Fulani aliyekuwa mfanyabiashara maarufu katika mji ule,alikuwa na familia yake(mke wake na motto mmoja wa kike)Siku moja asubuhi akiwa njiani kuelekea katika biashara zake akiwa katika gari lake alipata ajali iliyotokana na tairi la mbele la gari yake kupasuka na gar kupinduka.gari lake lilibondeka sana na raia walipo kuja kumsaidia baada ya kumtoa akawa amevunjika mikono na miguu,hivyo wakampeleka hospitalin kwa matibabu kasha akakaa kwa siku kadhaa akarudishwa nyumbani.baada ya siku chache mke wake alipata mwaliko wa sherehe ya harusi ya mdogo wake baada ya kujadili kama familia tajiri huyo alikubali mkewe aende kwa sherehe.Baada ya sherehe kuisha walianza safari yeye na mwanae kurudi nyumban wakiwa njiani walikutana na roli lililokuwa limepoteza mwelekeo kasha kugongana.Watu walipokuja kutoa msaada walikuta mama huyo na binti yake wamepoteza maisha palepale,kumbe ni mke wa Yule tajiri,n nani atapeleka taarifa kwa tajiri Yule kilema?kijana mmoja akaamua kwenda,alipompa taarifa Yule tajiri aliinua macho yake juu kasha akasema ‘Bwana niko peke yangu kaa nami”

‘Kaa nami” ni maneno yaliyotumiwa na Pr HENLY FRANCIS aliyetunga wimbo no 91 katika nyimbo za Kristo baada ya kukutana na changamoto katika maisha yake ikiwa ni pamoja na ugonjwa na kukata tamaa, Aliita Bwana kaa nami. Bwana akikaa katika maisha yetu tutayashinda yote yanayo tufedhehesha,.Mwite Bwana naye ataitika maana ameahidi.

MUNGU AWABARIKI NA MUWE NA SABATO NJEMA.

 

Share: